Sblash!
“Roedd perfformiadau’r bartneriaeth gyda WYTH yn uchafbwyntiau ein taith yr haf hwn a gwnaethom gysylltiadau rhwydweithio gwerthfawr gyda chynhyrchwyr ac artistiaid eraill.”
“The partnership performances with WYTH were the highlights of our tour this summer and we made valuable networking connections with other producers and artist.”
What is Sblash! ?
Roeddem yn ymwybodol fel cydweithfa bod cyfleoedd i ddatblygu perfformiadau a sioeau safon uwch yn brin iawn ar gyfer dawnswyr traddodiadol Cymreig. Ar ôl ennill yn yr Eisteddfod – doedd unman arall i fynd tu hwnt i hynny a doedd dim llwybr gyrfa amlwg i’r maes. Datblygwyd y syniad o gynnig comisiynau i weld perfformiadau awyr agored cyffrous a fyddai’n cyfuno elfen o ddawnsio gwerin neu glocsio gyda unrhyw genre arall.
Dim ond tair cais a dderbyniwyd eleni, oedd braidd yn siomedig, ond roeddem yn falch iawn i allu cynnig y comisiwn i un cais yn benodol. Cais oedd yn rhoi cyfle i ddawnsiwr ‘down syndrome’ gael un o’r prif rolau yn y perfformiad. Yn ogystal â pherfformio yn Sesiwn Fawr Dolgellau (yn hytrach na Cwlwm Celtaidd fel oedd y bwriad gwreiddiol), mae’r sioe wedi cael ei pherfformio mewn sawl lleoliad arall, gan gynnwys gyda 12 o blant â chyflyrau “life-limiting” yn NhŷGobaith.
Beth yw Sblash! ?
We were aware as a collective that opportunities to develop higher quality performances and shows were very rare for traditional Welsh dancers. After winning ar the Eisteddfod there was nowhere else to aim for and there were no clear career paths in this field. The idea of offering a commission to develop exciting open air theatre performances combining an element of folk or clog dancing with any other genre was introduced.
We only received three applications this year which was a shame, but we were very pleased to be able to offer the commission to one particular application. An application that offered the opportunity to an individual with down syndrome to be a main part of the performance. As well as performing at Sesiwn Fawr Dolgellau (in place of Cwlwm Celtaidd that was originally planned) the show has been performed in multiple other locations, including with 12 children with life-limiting conditions at TyGobaith.
“Da ni’n dueddol o feddwl am clocsio fel rhywbeth “eisteddfodol” ond ma’ gymaint o le a sgôp yn y
byd perfformio i blethu clocsio mewn i berfformiadau heb iddo fo ddod drosodd fel y “clocsio traddodiadol” da ni wedi arfer gweld.”
- Siwan Llynor, partner
“We tend to think of Welsh clogging as something connected to the Eisteddfod, but there is a lot of scope in the performing world to incorporate Welsh clog dancing into performances without having to come accords as the ‘traditional clogging’ that we are used to seeing”
— Siwan Llynor, partner
ADBORTH
FEEDBACK
Partner – Angharad Harrop
“Mae creu Sblash wedi bod yn bleser llwyr. Fe wnaeth yr arian a dderbyniwyd gan Wyth ein galluogi i uwchraddio'r uchelgeisiau oedd gennym ar gyfer sblash gyda'n cyllid cychwynnol. Llwyddwyd i gynyddu’r cyfnod ymarfer a theithio’r gwaith i’r Sesiwn Fawr a’r Eisteddfod. Roedd dod â Siwan a Meinir yn rhan o’r ymarferion yn golygu ein bod yn gallu ymchwilio’n ddwfn i’r ffordd y daethom â theatr stryd, dawns a dawnsio gwerin at ei gilydd.
Roedd perfformiadau’r bartneriaeth gyda WYTH yn uchafbwyntiau ein taith yr haf hwn a gwnaethom gysylltiadau rhwydweithio gwerthfawr gyda chynhyrchwyr ac artistiaid eraill.”
“Creating Sblash has been an absolute pleasure. The money received from WYTH enabled us to upgrade the ambitions we had for Sblash with our initial funding. We managed to increase the rehearsal period and take the work to Sesiwn Fawr and the Eisteddfod. Bringing Siwan and Meinir in to the rehearsals meant that we were able to deeply investigate the way we brought together street theatre, dance and folk dancing. The partnership performances with WYTH were the highlights of our tour this summer and we made valuable networking connections with other producers and artist”
Partner – Siwan Llynor
“Mae rhythm a drymiau yn gweithio’n rili da mewn perfformiadau cynhwysol gyda cynulleidfa o bob oed. Wrth wylio clocsio yn ystod cynhyrchiad Sblash, daeth yr ysbrydoliaeth i mi a dechreuodd y meddwl greu syniadau. Gweld bod lle, yn enwedig mewn caneuon i blant, i ddod a chlocsio mewn i berfformiadau yn lle neu gyda drwm. Felly dwi ‘di dechre edrych ar gynhyrchiad theatrig yn wahanol rwan. A doedd hynny heb groesi’n meddwl cyn y cynhyrchiad yma.
Gyda Sblash roedd y cymeriadau “broga” yna fel cymeriadau. Doedd o ddim yn rhywbeth “merched neu bechgyn” nag mewn ffordd hen h.y. “gwisg traddodiadol”. Roedden nhw’n gymeriadau oedd yn ‘dri broga’. A brogaod yn dawnsio a symud ac actio; bod yn froga.
‘Da ni’n dueddol o feddwl am clocsio fel rhywbeth “eisteddfodol” ond ma’ gymaint o le a sgôp yn y
byd perfformio i blethu clocsio mewn i berfformiadau heb iddo fo ddod drosodd fel y “clocsio traddodiadol” da ni wedi arfer gweld.”
Partner /Mentor - Meinir Siencyn
“Mi roedd gweithio gyda dawnswyr proffesiynol mewn ffordd theatrig yn gymaint o wefr. Roedd gallu dysgu stepiau clocsio Cymreig a’i rhoi mewn i berfformiad oedd yn cael ei arddangos mewn ‘wellingtons’ a nid chlocsiau, yn pwsio ffiniau’r gamp. Mi roedd yn wych gweld a dysgu camau, gan addasu rhei ar gyfer y perfformiad yma yn ffordd gwbl gwahanol a newydd i’r arfer.
Mi roedd yn gymaint o awyr iach cael dod a chlocsio neu gamau Cymreig o flaen cynulleidfa a chymuned sydd heb weld stepio Cymreig o’r blaen.
Oes, ma na le i arddangos clocsio Cymreig yn ei ffurf draddodiadol, ond mae hefyd yr un mor bwysig ehangu’r ffiniau a’n gorwelion a dod a chlocsio mewn i berfformiad theatrig neu unrhyw berfformiad cyfoes. Er mwyn galluogi’r traddodiad i barhau. Ac wrth gwrs; i gael hwyl gyda rhythmau a symud y corff.”
